E sekreto di felisidat

Sigur nos tur ta buska felisidat. Den loke nos ta desea, warda òf di loke nos tin. Den fondo tur ser humano ta buska felisidat, pero no ta tur ta logr’e. E ora ei ta bini e pregunta dikon un hende por tin hopi plaka pero no ta felis i di un otro banda un hende ku tin ku traha hopi duru pa nan por tin sikera pan riba mesa, por ta felis i ta mira bida ku speransa.

E sekreto ta ku den fondo e felisidat ta e buskeda di “e balor di nos alma” Esun ku sa i ta sinti su mes stimá dor di Dios i su sernan kerí ta muchu mas felis ku esun ku no tin ningun hende ku ta stim’é òf un pa e stima, maske e ultimo akí tin hopi plaka i e promé tin poko biennan material.

Felisidat di bo bida ta ser determina dor di loke bo ta kere tin balor. Por ehèmpel, si bo ta kere ku bo bida ta bal dor di stima of ser stimá, lo ta muchu mas felis maske no tin hopi sèn. Pero si bo ta kere ku bo ta bal pa loke bo tin na material, nunka lo bo ta kontentu of satisfecho ku e bida ku bo tin. Pasobra bo bida bal muchu mas ku tur e sèn di mundu i no bo no por pone un preis.

Pues stima esun ku bo tin serka di bo i sa ku Dios ta stima bo ku un amor inkondishonal.

Si bo ta sinti ku bo ta infelis, porta lo ta un bon momentu pa pensa i reflekshona e medida ku bo ta usa pa determina bo felisidat. No warda mas i disidi di yena bo bida ku alegria dor di duna i risibi amor!

Introdukshon

E meta di e blog aki ta pa hasi e palabra di Dios konosí pa e hobennan ku tin hopi mester.
Mi tambe ta un hoben ku ta siñando mas di e palabra di Dios. I mi a sinti e nesesidat pa hasi e palabra ku ta duna bida konosí pa e hobennan.
Lo mi hasi mi bèst pa semper mi keda update e blog aki mas tantu posibel.
Ku Dios todopoderoso bendishona boso tur.