Plan di felisidat

Semper na kuminsamentu di aña nos ta traha plannan pa e aña nobo ku a kuminsá. Tin hende ku ke lubidá e aña ku a pasa mas pronto ku ta posibel otro nan lo tin gana pa e aña ku a pasa por ripití su mes. Despues di un aña ku hopi doló of ku hopi kontratempu, kaminda práktikamente tur kos ku por a bai malu a bai malu, ta parse ideal si bo por kuminsá di nobo lubidando tur lokual ku a pasa. Di otro banda ta parse ideal si bo ta tin un bon aña pa bo sigui ku e éksito nan ku bo a logra. Un evaluashon di e aña ku a pasa por determiná den kua grupo abo lo ta. Kiko ta e kos di mas ideal ora di traha plan? Kiko bo mester hasi ku e temporada di doló, lucha, i kontratempu ku bo ta tin? Kiko ta di e temporada ku bo ta tin asina tantu éksito? Lo mi elaborá riba tur esaki den e artíkulo aki.

Ora ku nos ta traha nos plannan nos mester kòrda ku promé ku nos a pensa na traha un plan ya Dios den su inmenso sabiduria i amor a determiná pa nos kiko e ke pa nos logra. Kon asina? Nada riba e mundu aki no ta kuestion di koinsidensia. Tin un motibu pa tur kos i kada kos ta haña su motibu den esun ku a kre’é. Nos mama, nos tata, famia, inteligensia, karakter tur tin un motibu. Pero tambe nos dolónan, nos kontratempunan y desafionan tin nan motibu. E motibu ta ku Dios tin un plan pa kada un di nos. Palabra di Dios ta bisa ku tin un plan pa nos i ku E ke nos felisidat (lesa Yeremias 29: 11-13). Dios tin un plan pa nos y a krea nos ku karakterístikanan pa logra e plan ku E tin pa nos. Ideal lo tabata si nos lo a pidi Dios guia ora nos ta traha nos plannan pa esaki nan bai di akuerdo ku Su mes plannan. Awor lo bo puntra bo mes, si masha bunita, pero kiko ta di mi dolónan, lucha nan i kontratempu nan?

Aparte di e sensashon doloroso y amargo ku doló, lucha, i kontratempu ta trese kuné nos mester realisá nos mes ku tin ora esaki ta un preis ku nos tin ku paga pa nos siña un lès. Un kos ta sigur, na momentu ku bo ta sinti doló keda kontentu pensando ku bo ta haña un lès pa bira un mihó hende. Reflekshoná riba esaki. Felis e hende, Señor, ku Bo ta skual, ku Bo ta instruí den bo lei (Salmo 94:12). Lo ta un lástima lubidá tur doló, lucha, i kontratempu ku bo a pasa aden pasombra ta hustamente den e temporada aki bo ta realisá kon grandi realmente Dios ta. Kere mi ora bo logra surpasá e difikultat nan den brasa di Señor lo bo keda bisa Señor si no ta p’Abo lo mi lo no a logra (lesa Salmo 94: 17-19). Anto lo bo ta asina kontentu ku lo bo ke kompartí bo alegria ku otro. Esaki ta bira bo eksperiensha personal. Obviamente pues bo doló por ta un bendishon pa otronan ku ta pasa den mesun kos ku abo a pasa aden den pasado. Kiko ta awor di bo éksitonan?

Éksito normalmente ta resultado di trabou duru bendishoná dor di Señor. Tur dos mester ta presente pa un éksito duradero y real. Trabou duru ta bai kompaña ku lucha y kontratempu. Hustamente esakinan ta laga bo balorá tur kos ku bo a logra. Naturalmente bo por gana loteria tambe. Aparte ku esaki no tin ningun garantia, palabra di Dios ta bisa ku sèn gana fásil ta bai pèrdí miéntras ku sèn gana ku sodo di frenta ta krese ketu bai (Proverbionan 13:11). Awor tantu bal bo mortifiká bo kurpa sin bendishon di Dios pasombra lo bo no tin éksito tòg. P’esei mes ora nos tin éksito nos mester kòrda riba esun ku a bendishoná nos pa ta eksitoso. Pasombra si no ta pa Dios tur nos esfuerso nan lo tabata enbano. Di otro banda si bo no tabata eksitoso kòrda ku Señor tin un plan pa kada un di nos, o sea p’abo tambe. Dios ke bo felisidat, p’esei mes e ta primintí bo un futuro yen di speransa y felisidat. Pues aserk’É pa bo sa kua ta Su plan di felisidat p’abo.

The Bible like our cellphones

I wonder what would happen if we treated our Bible like we treat our cellphone?
What if we carried it around in our purses or pockets?
What if we flipped through it several times a day?
What if we turned back to go get it if we forgot it?
What if we used it to receive messages from the text?
What if we treated it like we couldn't live without it?
What if we gave it to Kids as gifts?
What if we used it when we traveled?
What if we used it in case of emergency?
This is something to make you go....hmm...where is my Bible?
Oh, and one more thing. Unlike our cell phone, we don't have to worry about our Bible being disconnected because Jesus already paid the bill.
Makes you stop and think 'where are my priorities?'
And no dropped calls!