Un orashon di gradisimentu

Oh Señor, ora mi tin kuminda;
Yudami korda riba esun ku tin hamber
Ora mi tin trabou;
Yudami korda riba esnan ku no tin trabou;
Ora mi tin un kas;
Yudami korda riba esnan ku no tin kas;
Ora mi tin salú;
Yudami korda riba esnan ku ta sufri
Anto kordando;
Ta yudami destrui mi egoismo;
Laga mi tin kompashon;
Preokupa lo sufisiente pa yuda
Den palabra i akto
Pa esnan ku ta desea loke nos no ta balorisa
Amèn

Kon hasi milager?

Hopi biaha nos ta lesa tokante di e milagernan ku Hesus a hasi i nos ta desea (humanamente) na por hasi meskos. Mi no sa.. poreta parti laman den dos, kalma tormentanan, lanta hende for di morto.. ehempelnan asina.

Pero e berdat ta ku Dios ta yama nos pa hasi milager pero porta no di e tal manera mane nos ta pensa.

Nos ta biba den un mundu falsu, un mundu egoista o sea sin amor. Tur kos awendia ta virtual, sin papia, sin por konose otro. Pero un milager berdadero ta na bo alkanse. Duna un man na esun ku tin mester. Skucha e persona ku ta sinti su mes solitario. Yuda esun ku a kai. Apoya esun ku ta den tristesa.

Si bo logra esaki, sea sigur ku no solamente bo a hasi e milager di ta un 'ser humano' na e mundu aki, pero bo a hasi tambe e loke Hesus lo a hasi na bo luga.

Soña semper di kosnan grandi mientras tantu hasi e kosnan chikitu ku bo mester hasi. Despues di
tur kos, no ta fenomenal pa bo bai shelu kargando un kantidat grandi di 'milagernan' chiki?