Venera e Krus di Kristu

Hopi biaha nos ta haña e pregunta aki di diferente persona: Dikon nos ta venera Hesus riba krus siendo ku Ela resusita?

E krus ta un parti inseparabel di e mistero paskual ku ta inklui pashon, morto i resurekshon di nos Salbador.

Nos, ku ta katoliko, ta siña ku Kristu a muri pa nos pikanan i ku ela resusita despues di 3 dia. E Krus di ningun manera ta ninga e resurekshon pero den e krus ta manifesta kon serio nos pikanan ta i kon ku un amor infinito Kristu a muri pa nos pikanan.

Hesus ta siña nos: Ora boso alsa Yu di Hende, boso lo sa ku AMI TA Huan 8:28

E krus ta wordu menshona 29 bes den Testament Nobo. Hopi biaha e no ta wordu referi ku e palabra eksakto. No ta e pida palu den sentido material ku nos ta pone nos kurason n’e pero den Hesus ku a muri pa nos riba e krus ei. E ta esun ku ta hala nos. Hesus a bisa nos: Ora ku alsa mi riba tera, lo Mi hala tur hende serka Mi.Huan 12,32

E siñansa aki ta balido pa nos pa tur tempu. Kontempla Hesus “lantá” riba e Krus ta e yabi pa sera konosi kunE intimamente.

San Pedro i San Pablo ta proklama e krus.

San Pedro ku San Pablo no ta sa ku Kristu a resusita? Klaro ku si, pero nan tabata kompronde kon importante ta pa tin E semper presente pasó e krus ta e poder di Dios kontra tur forsa maligno: e forsa di nos karni, pues ku otro palabra di nos ègo. E karni ta bai segun su plaser, su konviniensha, su engrandisimentu; e krus ta laga tur esaki muri pa asina e amor di Dios reina.

P’esei henter pueblo mester tin sigur, ku e mesun Hesus ku boso a krusifika, Dios a hasi tantu Señor komo Mesias. Hechonana 2,36

Pasobra ami, ku tabata bou di Lei, a muri pa ku Lei pa asina mi biba pa Dios. Mi a keda krusifika huntu ku Kristu. Galatanan 2,19

Esnan ku ta pertenese na Kristu-Hesus, ya a krusifika e hende pekador den nan mes, huntu ku su pashonnan i mal deseonan. Galatanan 5,24

Ami si no ke broma ku nada otro ku no ta krus di nos Señor Hesu-Kristu. Pasobra pa motibu di loke El a hasi na krus, mundu a muri i ami ta morto pa ku mundu. Galatanan 6,14

Ke men a parti Kristu na pida pida anto? Ta Pablo a muri pa boso na krus? 1 Korintionan 1,13

Kristianonan semper ta tin e krus komo signo di e amor i e poder di Kristu. Tin hopi evidensha ku for di e promé siglonan tabata lanta krus komo signo di nos fe den Kristu.

Pa esnan ku ta ataka nos pasó nos tin nos krus kologa na nos garganta of pasó nos tin e kologa na nos muraya di kas, nos tin ku kontesta mane San Pablo lo a kontesta;

Pasobra e mensahe tokante Kristu su morto na krus ta kos di loko pa esnan ku ta bai pèrdi, ma pa nos ku ta keda salba, e ta poder di Dios. 1 Korintionan 1,18

Ma nos ta predika e Mesias kurisfiká. Pa hudiunan esei ta un mensahe ofensivo, pa esnan no hudiu e ta kos di loko. Ma pa esnan ku Dios a yama, sea hudiu of no hudiu, e Mesias ei ta e poder i e sabiduria di Dios. 1 Korintionan 1,23-24

Hesus a manda nos brasa nos krus tambe
Si un hende ke sigui Mi, e mester lubida su mes, hisa su krus i sigui Mi. Mateo 16,24

Kontempla Hesus na krus ta kura nos spiritualmente, manera e ladron ku tabata banda di Hesus a wordu kura ora Ela bis’e: Mi ta sigura bo: Awe mes lo bo ta huntu ku Mi den paraiso! Lukas 23:43.
Tambe Ela kura e kapitan romano ku tabata na pia di krus di Hesus, ela konberti bisando: En berdat e homber aki ta e Yu di Dios.(Marko 15:39)

Kontempla e krus ta un akto di fe. E ta inspira nos di tin e mesun aktitud ku Hesus. Ela humiya su mes i a keda obedesidu ta ora ela muri, hasta e morto na krus- Filipensenan 2:5,8

E revelashon di e amor perfekto di Hesus ta su krus mientras ku e resurekshon ta su viktoria. E krus a kòsta Heus inmneso sufrimentu ku ela akspeta sin ningun kondishon pa nos. Su resurekshon ta manifesta su poder riba morto, su viktoria glorioso.

Kristu a transforma e sentido di e krus. Antes tabata un berguensa grandi, pero awor e ta e gloria i e viktoria maksimo. Amor na e krus ta duna nos e grasia di keda fiel na nos krus uní ku esun di Kristu.

Ta pesei mi ke enkurasha bo mi rumannan, di no tene miedu di brasa e krus di Hesus. Pasobra pa medio di e morto di Hesus riba krus tur nos pikanan a wordu libra. Nos ta salba!! Ki otro muestra di amor di Dios tin ku no ta esaki? Pasobra Dios ta stima mundu asina tantu ku El a duna su uniko Yu, pa tur esnan ku pone konfiansa den djE no bai perdi, ma haña bida eterno. (Huan 3, 16)

Nos ta adoraBo Kristu i nos ta bendishona Bo, pasó Bo a salba pa munda pa bo santa krus!-Amen

Tres kos den Bida

Tres kos den bida una bes e pasa no ta bolbe bèk:
1.Tempu, 2. Palabra, 3. Oportunidat

Tres kos den bida ku nunka mester bai pèrdí:
1. Pas, 2. Speransa, 3. Honestidat

Tres kos den bida ku tin hopi balor:
1. Amor, 2. Kere den bo mes, 3. Amistat

Tres kos den bida ku nunka no ta sigur:
1. Soño, 2. Éksito, 3. Fortuna (plaka)

Tres kos den bida ku ta forma un hòmber òf muhé:
1.Traha duru, 2. Sinseridat, 3. Konfiansa (loke bo ta duna otro)

Tres kos den bida ku por distruí un hòmber òf muhé:
1. Alkohòl, 2.Orguyo, 3. Rabia

Tres kos ku semper ta konstante:
1.Dios Tata, 2. Dios YU, 3.Dios Spiritu Santo

Mi ta pidi Dios pa bendishoná bo, mi ta resa pa bo tur dia, pa e guia bo i protehá bo, segun bo ta sigui bo kaminda. Su Amor semper lo ta ku bo. Su Promesanan ta bèrdat. I ora bo dun’é tur bo prekupashonnan, bo lo sa ku e lo yuda bo pasa dor di nan.

Felisidat ta tene bo dushi, e trayekto den bida ta Tene bo duru, sufrimentu ta tene bo humano, frakaso ta tene bo humilde, éksito ta lagabo bria pero solamente DIOS ta duna bo e forsa pa sigui. Pone bo FE den DIOS i e lo yuda bo pasa dor di tur turbulensia.

Motivá pa miedu

Nos tur aki na mundu tin un meta. Por ta no ta tur hende ta konsiente pero kada hende riba su mes tin un importansia grandisimo pa humanidat. Nos mes tambe ta pone metanan pa nos mes. Pa logra e metanan aki semper nos mester di motivashon pa logranan. Esaki pasombra semper lo bo haña bo ku opstákulo pa logra e metanan ku bo a stipulá. Lamentablemente hopi di nos tin ora ta wordu motiva pa miedu. Miedu ta un di e problemanan di mas grandi den humanidat.
Pensa riba e siguiente miedu nan:

Miedu di bisa bèrdat
Miedu di opinion di otro hende
Miedu di represaya
Miedu di hasi un eror
Miedu di frakasá
Miedu di ta ridíkulo
Miedu di kambio

Bo ta rekonosé bo mes den un di nan? Esaki ta pone ku bo ta keda sin balorá e kosnan bon di bida. Un otro problema ta ku esaki ta pone ku bo ta sali for di bo limitashonnan na lugá di for di bo talentonan. Esaki ta manera konsentrá riba e opstákulo nan di un kareda na lugá di riba e liña final. Tin un dicho ta bisa: ‘loke un hende malu ta teme, lo pasa kuné, anto loke un bon hende ta anhelá, lo kristalisá (Proverbionan 10:24). Laga nos no tene miedu di nada pasombra esun ku tin Dios pa wardador no tin falta di nada (Salmo 23).
Tin un realidat ku por mustra fatalista òf un bèrdat amargo. E bèrdat ta ku esun ku tin miedu lo no dal ningun paso den bida. Niun paso patras pero tampoko ningun dilanti. Aunke kon sabi bo ta y kuantu talento bo tin bo no por desaroyá esaki nan si bo tin miedu. P’esei kompaña mi ku kurashi pa nos logra tur nos meta nan. Anto kòrda semper bai ku esun ku tin Dios pa wardador no tin miedu di nada (lesa Salmo 23).

Daily Rules from God

1. Wake Up!! Decide to have a good day. 'Today is the day the Lord hath made; let us rejoice and be glad in it.' Psalms 118:24

2. Dress Up!! The best way to dress up is to put on a smile. A smile is an inexpensive way to improve your looks. 'The Lord does not look at the things man looks at. Man looks at outward appearance; but the Lord looks at the heart.' I Samuel 16:7

3. Shut Up!! Say nice things and learn to listen. God gave us two ears and one mouth, so He must have meant for us to do twice as much listening as talking. 'He who guards his lips guards his soul.' Proverbs 13:3

4. Stand Up!! For what you believe in. Stand for something or you will fall for anything.. 'Let us not be weary in doing good; for at the proper time, we will reap a harvest if we do not give up. Therefore, as we have opportunity, let us do good...' Galatians 6:9-10
5. Look Up!!... To the Lord. 'I can do everything through Christ who strengthens me.' Phillippians 4:13

6. Reach Up!! For something higher. 'Trust in the Lord with all your heart, and lean not unto your own understanding. In all your ways, acknowledge Him, And He will direct your path.' Proverbs 3:5-6

7. Lift Up!! Your Prayers. 'Do not worry about anything; instead PRAY ABOUT EVERYTHING.' Philippians 4:6

Yama Señor i e lo skuchabo- Invitashon Santu Sakrifisio di Misa

Yama Señor i e lo skuchabo
(Salmo:130)


No tene miedu rumannan, yama Señor i e lo skuchabo. Si bo ta karga òf bo ta sinti ku bo no tin forsa mas, òf bo ta sinti debil di tur e problemanan ku ta bini kada bes dilanti, sintibu liber pa akudí un yamada serka Señor nos Dios. Kont’é tur kos i e lo skuchabo i e lo buska un manera pa yudabu na su momentu. P’esei mi ta yamabu hóben, bini, laga nos tur bini den su kas pa yam’é danki i tambe pa deskargá tur e peso ku bo tin den bo kurason.
Dia: 9 di mart
Ora: 9:00-10:00
Lugá: Misa di Suffisant
Kor: Hóbennan di Fatima

Kaminda di Krus(den airu liber)

No Tene miedu, pasobra Mi ta ku bo, no wak asina spanta, pasobra bo Ami ta bo Dios. Mi ta duna bo forsa, yuda bo, sostené bo ku mi man viktorioso. Isaias 41,10 Si bo kier ta di berdat un siguidó di Kristu demostrá tur momento. Awor bo ta haña e oportunidat di mustra Hesus kuantu bo ta stim’é i kuantu bo por entrega bo mes i sigui’E!

Mensahe Bendishona ta invitá bo(so) na un “Kaminda di Krus den Airu Liber” kombiná ku diferente orador i tambe reflekshon spesial guia pa Spiritu Santu !
Lugá : Koredo
Ora : 5.45 pm
Dia : 7 mart 2008

E mester karga su krus i sigui Mi, sino e no por ta mi disipel.Lukas 14,27

Un boka bendishoná otro !