Hesus ta invita nos pa nos sigi E. Pero hopi biaha nos no ke asepta e invitashon aki. Esaki portá dor ku nos no ta sinti nos mes emoshonalmente òf spiritualmente prepará. E ora ei ki ora ta e momentu presis pa nos sigi Hesus?
Den evangelio nos ta lesa e loke a sosode ku e 10 leprosonan(Lukas 17,11-19). 10 leproso a bin kontra Hesus i pa nan ta saná, Hesus a manda nan serka e saserdotenan i ke de paso ta basta leu pa yega serka nan. Beibel ta sigi konta ku na kaminda nan a kura. Mi no ta kere ku nan a kura denter di 10 pa 15 meter pero hopi mas despues.
Si realmente nos ke pa Dios kura nos òf si nos ta buska un milager, nos tin ku kuminsa kana AUN KU NOS LEPRA. Nos no por warda pa nos ta kurá si nos no inisia e proseso di kombershon
Pues, si bo ta sintibo kansa, den problema, dolo, angustia òf sin speransa ta net e momentu ei bo tin ku hisa bo krus i kana riba e kaminda di fe. E reino di shelu ta pa esnan balente i nos mester mas ku balentia pa nos entrega nos mes na Dios promé ku mira un milager.
Pero esaki ta un yamada pa nos kuminsa kana promé ku nos mira e kosnan sosode. Kana ku bo defektonan sabiendo ku na kaminda lo bo ta kurá. Pero AWE bo tin kuminsa ku e kaminata kargando bo enfermerdatnan i defektonan.
Orashon
Señor Hesus, mi ta asepta bo invitashon pa sigi bo. Mi sa ku mi tin mi defektonan i mi enfermedatnan pero mi tin fe ku Abo lo kurami. Sea mi guia den e kaminata di fe aki. Danki, Señor. Amèn
Subscribe to:
Post Comments (Atom)
1 comment:
Bo tin rason. si no keda warda e ora perfecto pa nos aserka Dios e ora ei por ta na nos pareser nunka no ta jega. Resultado ta ku nos ta keda sin aserka Dios. Naturalmente nos ta perde nos bendishon. Palabra di Dios ta invita nos pa bini manera nos ta serka Dios. Dios mes lo kaba di prepara nos pa e lokual nan ku nos tin. Korda ku Dios konose nos miho ku nos mes. Ta E ta nos Kreador i e sa nos potenshalnan. Anto esaki nan ta grandi. Kada ken na su midi, pero tur ta grandi i importante pa e totalidat.
Maronne Drommond
Post a Comment