Laga nos forma unidat pa realisa proyektonan pa Dios su gloria

Ruman stima,

Tin algun kos ku nos mester pa sigui traha pa honor i gloria di Dios i kisas abo sa kon pa yega na e kosnan aki:

1. Nos mester di 2000 rosario pa repartí entre instanshanan edukativo, dunando nan charla i siñando nan kon pa resa rosario, kon nos ta yega na nan?

2. Nos mester di NAFL 300,00 pa duna un instansha pa kumpra kuminda pa su muchanan, si akaso bo ke duna algu, nos lo bisa bo na kua instansha i na ken lo bo por hasi e entrega. Kisas bo konose un hende ku por duna e sen aki na e instansia, tambe ta bon. Laga nos sa na: Diosdanki@yahoo.com

3. Nos mester di 25 hende pa forma team pa bishita enfermonan, si bo ke ta un di nan manda bo nòmber i telefon aden via mail: Diosdanki@yahoo.com.

4. Nos mester di 20 hende pa forma un team pa bishita hende ku a pèrdè nan famia òf kasa, si bo ta interesá manda bo nòmber i telefon aden via mail: Diosdanki@yahoo.com.

5. Nos mester di 12 hende muhé kasa ku ke hasi un mishon pa komunidat den e aña ku ta bini: 2010, kada luna ta hasi un bon obra den komunidat, si bo ta interesá laga nos sa na: Diosdanki@yahoo.com.

6. Nos mester di 20 hende ku ke forma team pa intersedé pa Iglesia, vokashon i petishonnan di orashon ku ta drenta. Si bo ke intersedé pa nesesidatnan di tur dia laga nos sa i manda bo nòmber i number di telefon aden via mail: Diosdanki@yahoo.com.

Nos ta yama bo danki pa hala mas hende serka Dios i take care di Su pueblo i yuda Hesus den Su proyekto di evangelisashon. Si bo tin konosí ku por yuda nos realisá sierto mishonan pa Dios, aserka nan tambe. Huntu nos lo por move hopi pa Dios.

Ku Mama Maria kompañá nos riba e ruta di salbashon.

Mail na: Diosdanki@yahoo.com si bo ta desea di kopera