10 Konseho di Papa Benedicto XVI pa e Hobennan

1. Dialoga ku Dios

Algun di boso portá por identifika boso mes ku e deskripshon ku Edith Stein a hasi tokante su propio hubentut, e ku a bib’e despues den Carmelo di Colonia: “ Mi a pè rdè konsientemente i deliberadamente e kustumber di resa” Durante e dianan aki boso por rekobra e eksperiensha bibu di orashon komo un dialogo ku nos bon Dios, Esun ku nos sa ku ta stima nos i na mes momento nos ke stim’E

2. Konta Dios bo alegria i tristesa

Habri boso kurason pa Dios. Lag’E sorprende boso pa medio di Kristu. Dun’E e derechi di papia ku boso durante e dianan akí . Habri e porta di boso kurason pa su amor miserikordioso. Presenta boso legria i pena na Kristu i lag’E ilumina boso mente ku su lus i drama su grasia den boso kurason.

3. No deskonfia den Kristu

Kerido hobennan, e felisidat ku boso ta buska, e felisidat ku boso tin derechi di saboria tin un nò mber, un kara: esun di Hesus di Nazaret skondí den Eukaristia. Solamente E por duna bida na humanidat.
Bisa huntu ku Maria boso SI na Dios ku ke entrega su mes na boso. Mi ta ripiti awe loke mi a bisa na prinsipio di mi pontifikado: “ Esun ku asepta Kristu den su propio bida no ta pè rdè absolutamente nada, nada, absolutamente nada di loke ta hasi bida algu maravioso, bunita i grandi. Nò ! Solamente ku e amistad akí tur e portanan di bida ta habri. Solamente ku e amistad akí ta habri realmente e potenshalnan grandi di e kondishon humano. Solamente ku e amistad akí nos ta eksperimenta loke ta realmente nè chi i loke ta libera nos.
Sea totalmente konvensí : Kristi no ta kita nada loke ta nè chi i grandi den boso, sino e ta hiba tur esaki na perfekshon pa e gloria di Dios Tata, e felisidat di tur hende i salbashon di henter mundu.

4. Sea kontentu: Anhela pa ta santu

Mas aya di e bokashon di konsagrashon speshal, e bokashon propio di tur esnan ku ta bautisá : tambe nos tin e bokashon di esun haltu di e bida kristian normal ku nos ta ekspresa den santidad.
Ora boso topa ku Hesus i brasa su Evangelio, bo bida ta kambia i bo ta pushá pa komunika e eksperensha uniko akí pa e demas personanan. Iglesia mester di santu. Tur hende ta yamá pa ta santu i solamente e santunan por renoba henter humanidat. Mi ta invita boso pa pone boso mes na sirbishi na Kristu, maske e preis por ta haltu. E enkuentro ku Kristu Hesus ta permiti boso gusta e alegria di su presensha bibu i despues sea un testimonio di Kristu na e personanan róndó di boso.

5. Dios; tema di kombersashon ku amigunan

Tin tantu kompañero ku ahinda no konose e amor di Dios ò f ta buska pa yena nan kurason ku kosnan insignifikante. Pesei ta urgente pa ta testigo di e amor kontemplá den Kristu. Kerido hobennan, Iglesia mester di testigunan outentiko di e evangelisashon nobo: bida di hò mber i muhé ku a keda transforma dor di e enkuentro ku Hesus; hò mber i muhé ku ta kapas na komunika e eksperensha akí na demas personanan.

6. Djadumingu bai Misa.

No keda sin partisipa den e Santa Eukarisita di djadumingu i yuda otronan tambe deskubri esaki. Klaro ku di dje ta bini e alegria ku nos mester, nos mester siñ a deskubri kada bes mas profundo, nos mester siñ a stim’E Ban kompromete pa hasi esaki. Ta bale la pena!
Laga nos deskubri e rikesanan intimo di e liturgia di Iglesia i tambe su grandesa: no ta nos ta prepara e fiesta pa nos mes: sino ta e Dios bibu mes ta hasi un fiesta pa nos. Ku e amor pa Eukaristia bo lo redeskubri tambe e Sakramentu di Rekonsiliashon, den kua e bondat miserikordioso di Dios ta permiti bo inisia un bida nobo.

7. Demonstra ku Dios no ta tristu

Esun ku a deskubri Kristu mester hiba otro na dje. Un alegria asina grandi no por ward’e pa bo so. Ta necesario pa transmiti esaki. Den hopi partinan di mundu hende ta lubida Dios. Parse ku tur kos ta sigi normal sin djE. Pera na mesun momento ta eksistí un sintimentu di frustrashon, di insatisfakshon di tur kos i di tur hende. Bo ta hañ a gana di grita: No ta posibel ku bida por ta asina!!! Klaro ku nò !!

8. Konose bo fe.

Yuda bo prohimo na deskubrí e berdadero strea ku ta mustra nos e kaminda: Hesus Kristu. Laga nos siñ a konsos’Ele kada bes mas mihó pa asina nos por yega mas serka djE. Pesei ta hopi importante e amor pa Sagrada Skritura i konsekuentemente konose fe di Iglesia lo mustra bo e sentido di Skritura.

9. Yuda otro: sea util

Si nos pensa i biba den komunion ku Kristu, e ora ei nos wowo lo habri. E ora ei nos lo no biba mas preokupando pa nos mes, sino nos ta wak unda i kon nos por yuda. Bibando i aktuando asina boso lo ripara ku ta hopi mas mihó pa ta util i ta na disposishon di otronan sin preokupa solamente di e komodidatnan ku nan ta ofrese. Mi sa ku boso komo hoben ta aspira na kosnan grandi, boso ke kompromete pa un mundu mas mihó . Demonstra esaki na e hende, demonstra esaki na mundu, ku ta warda pa boso ta un testimonio di ta un disipulo di Hesu Kristu i ku mas ku nada pa medio di boso amor, boso por deskubri e strea ku nos komo kreyente ta sigi.

10 Lesa Beibel.

E sekreto pa tin un kurason ku ta komprende ta dor di forma un kurason ku ta kapas na skucha. Esaki boso lo alkans’e meditando riba e Palabra di Dios sin stop i permanese semper den dje, mediante e esfuerso ku boso ta hasi pa sera konosi mas kuné . Kerido hobennan, mi ta enkurasha pa boso por adkiri un intimidat mas profundo ku Beibel, semper tin e man, pa asina boso por uz’e komo un kò mpas ku ta inidika kua kaminda pa sigi. Lesando, boso ta siñ a konose Kristu. San Jeronimo ta bisa lo siguiente: “Esun ku no konose Skritura no konose Kristu.”

Den resumen,
Konstrui boso bida riba Kristu, kohe ku alegria su palabra i pone esaki den praktika e doktrina. Atele aki, hobennan di terser milenio, esaki ta boso meta! Ta necesario pa un generashon nobo di apostelnan bini ku tin su kurason ankrá den Kristu i ku ta kapas na responde na e desafionan di e tempu di awor. Esaki ta loke Señ or ta pidi i esaki ta loke Iglesia ta invita boso pa hasi, esaki ta loke mundu , sin nan sa, ta spera di boso. Si Hesus ta yama boso, no tene miedu! Renunsia boso bida di pasado i aspeta e bida nobo ku Hesu Kristu ta ofrese. No tene miedu, konfia den djE i boso lo no keda desespshoná .